"സേവനം" എന്ന വാക്കിന്റെ അർത്ഥം ഒരിക്കൽ കൂടി തെരയേണ്ട ഈ കാലത്ത് എന്റെ പ്രതിഷേധത്തിന് മൂല്യം ഉണ്ടോ എന്നറിയില്ല.എങ്കിലും കുറച്ച് നാളുകളായി പുറത്തേക്ക് തെകുട്ടുന്ന എന്റെ ഉള്ളിലെ ഇനിയും മരിക്കാത്ത പ്രതികരണ ശേഷി, എന്നെ കൂടെയുള്ളവരുടെ ഇടയിലെ നിഷേധി ആക്കുന്നു.ഞാൻ കൂടി ഭാഗമായ ആതുര സേവനം എന്ന ഓമനപേരിൽ അറിയപ്പെടുന്ന കഴുത്തറുപ്പൻ ബിസിനസ്‌ ശ്രിംഖല ഇന്ന് എല്ലാ സീമകളും തകർത്ത് മുന്നേറിക്കൊണ്ടിരിക്കുന്നു.നേതാക്കന്മാരുടെ ഏറാൻമൂളികൾ ആയ ഒരു വിഭാഗത്തെ മാറ്റി നിർത്തിയാൽ പാവം നമ്മൾ പൊതുജനം ഒന്ന് ശബ്ദിക്കാൻ പോലും കഴിയാതെ ഇവരുടെ ചൂഷണത്തിന് വിധേയമായിക്കൊണ്ടിരിക്കുന്നു.നമ്മുടെ നാടും പ്രകൃതിയും കാടുകളും പുഴകളും സമ്പത്തും സംസ്കാരവും എല്ലാം ഒരു വിഭാഗം കവർന്നെടുക്കുന്നത് നമ്മൾ നോക്കി നിന്നു. സ്വന്തം എന്ന് അഹങ്കരിക്കുന്ന നമ്മുടെ ശരീരവും ആരോഗ്യവും കൂടി ഇനി നഷ്ടപ്പെടുത്താൻ കഴുകന്റെ കണ്ണുകളുമായി കാത്തിരിക്കുന്ന ഒരു വിഭാഗം നമ്മുടെ നാടുകളിൽ വല വീശി തുടങ്ങിയിരിക്കുന്നു.
ഓരോ കവലകളിലും മത്സരിച്ച് തുടങ്ങുന്ന പുതിയ സ്വകാര്യ ആശുപത്രികൾ ലാഭക്കൊതി മൂത്ത് നമ്മളെ പിഴിയുന്നത്, നമ്മുടെ ആരോഗ്യം നഷ്ടപ്പെടുത്തിക്കൊണ്ട്‌ ആണെന്ന് പലപ്പോഴും നമ്മൾ തിരിച്ചറിയുന്നില്ല.
പേരിന്റെ മുമ്പിൽ രണ്ടക്ഷരം കൂട്ടി ചേർക്കുന്നത് സ്റ്റാറ്റസ് സിംബലും വിവാഹ മാർക്കറ്റിൽ വിലയുമുള്ളപ്പോൾ പലിശക്ക് എടുത്തിട്ട് ആണെങ്കിലും ലക്ഷങ്ങൾ കൊടുത്ത് മെഡിസിനു ചേരുന്ന സ്നോബുകൾ വിരിഞ്ഞ് പുറത്ത് വരുന്നത് ഒരു നാടിന്റെ ആരോഗ്യം നശിപ്പിക്കാൻ ആവരുത്.ഈയിടക്ക് മെഡിക്കൽ എന്ട്രൻസ് പരീക്ഷയുടെ സാമൂഹിക ചോദ്യത്തിൽ A.P.J.അബ്ദുൽ കലാം ആരെന്ന ചോദ്യത്തിന് ബഹുഭൂരിപക്ഷം ഭാവി ഡോക്ടർമാരും തെറ്റി പറഞ്ഞത് ഓർമയിൽ വരുന്നു.പ്രതിബദ്ധത ഇല്ലാത്ത ഒരു വിഭാഗം ഡോക്ടർമാർ സാധാരണക്കാരായ രോഗികളുടെ മേൽ പരീക്ഷണം നടത്തി പഠിത്തത്തിനു ചെലവായ പണം സ്വരൂപിക്കാൻ കാണിക്കുന്ന അത്യാർത്തി തിരിച്ചറിഞ്ഞേ തീരു.ആവശ്യമില്ല്ലാത്ത ടെസ്റ്റുകളും മരുന്നുകളും തന്ന് നമ്മുടെ ശരീരം പ്രതിരോധ ശേഷി നഷ്ടപ്പെട്ട് ചെറിയ അണുബാധകൾ പോലും സ്വയം പ്രതിരോധിക്കാൻ കഴിയാത്ത അവസ്ഥയിലേക്ക് നമ്മളെ ഇവർ എത്തിക്കും.ലാബുകളിൽ നിന്നും ഇവർക്ക് കിട്ടുന്ന കമ്മിഷൻ പരസ്യമായ ഒരു രഹസ്യമാണല്ലോ.
ഇതൊക്കെ സഹിക്കാം പക്ഷെ ആവശ്യത്തിന് അറിവ് കൂടി ഇല്ലെങ്കിൽ എന്ത് ചെയ്യും.ചിക്കൻ ഗുനിയ പടർന്നു പിടിക്കുന്ന സമയത്ത് ഒരു ബന്ധുവിനെയും കൊണ്ട് ആശുപത്രിയിൽ പോയപ്പോൾ ഒരു റിട്ടയേർഡ്‌ ഡോക്ടർ പറഞ്ഞത് ചിക്കൻ അമിതമായി കഴിക്കരുത് എന്ന് പറഞ്ഞാൽ ആളുകൾ കേൾക്കില്ല എന്നാണ്.കൊതുക് മൂലമല്ലേ ഡോക്ടർ ചിക്കൻ ഗുനിയ പടരുന്നത് എന്നൊന്നും ചോദിക്കരുത്.കാരണം കഥയിൽ ചോദ്യമില്ല എന്നത് പോലെ ദൈവത്തിന്റെ പ്രതി പുരുഷന്മാരെ ചോദ്യം ചെയ്യാൻ പാടില്ലല്ലോ.മോഹൻലാൽ പ്രകീർത്തിച്ച് എഴുതിയ ഫൈവ് സ്റ്റാർ താരങ്ങളെ ചികിത്സിക്കുന്ന ഫൈവ് സ്റ്റാർ ഡോക്ടർമാരുടെ കാര്യം അല്ല ഈ പറയുന്നത് കേട്ടോ.കുരച്ചും ചുമച്ചും സർക്കാർ ആശുപത്രികളിലും ഗതിയില്ലാതെ സ്വകാര്യ ആശുപത്രികളിലും പോകേണ്ടി വരുന്ന സാധാരണക്കാരെ പിഴിയുന്നവരെ കുറിച്ചാണ്.
പതിന്നാല് വർഷം ആരോഗ്യ രംഗത്ത് ഉള്ള അനുഭവം വെച്ച് വളരെ അപൂർവ്വം ചില ജെനിസുകളെ മാറ്റി നിർത്തിയാൽ ഒറ്റ ഒരെണ്ണം ശരിയല്ല.കോടികൾ വെച്ച് കളിക്കുന്ന അഴിമതിക്കാരെ നമുക്ക് സഹിക്കാം,പറഞ്ഞു പറ്റിച്ച് വോട്ട് വാങ്ങി സ്വന്തം കീശ വീർപ്പിക്കുന്ന നേതാക്കളോട് നമുക്ക് പൊറുക്കാം,ജാതിയും മതവും പറഞ്ഞ് തമ്മിലടിപ്പിക്കുന്ന വർഗീയ വാദികളെ നമുക്ക് അവഗണിക്കാം,എന്തിനും ഏതിനും ഉളുപ്പില്ലാതെ പിച്ചക്കാരെ പോലെ കൈക്കൂലി വാങ്ങുന്ന ഉദ്യോഗസ്ഥരെ നമുക്ക് ഒഴിവാക്കാം.പക്ഷെ രോഗികൾക്ക് സ്വാന്തനം ആകേണ്ട,ഏറ്റവും പരിചരണം ആവശ്യമുള്ള പാവങ്ങളെ പിഴിയുന്ന ഇവറ്റകളോട് പൊറുക്കാൻ സാധിക്കുമോ.പാവങ്ങൾ ദൈവത്തിന് സമമായി കാണുന്ന അവരുടെ വിശ്വാസത്തെ ചൂഷണം ചെയ്യാമോ.ഭീമൻ കമ്പനികളിൽ നിന്ന് അച്ചാരം വാങ്ങി പാവങ്ങളുടെ മേൽ മരുന്ന് പരീക്ഷണം നടത്തി ഒരു തലമുറയുടെ ആരോഗ്യം നശിപ്പിച്ച് എന്നും നിത്യ രോഗികളാക്കി നിങ്ങളുടെ ആശുപത്രികളുടെയും വീടിന്റെയും മുമ്പിലെ ക്യു വലുതാക്കണോ.
പ്രതികരണ ശേഷി ഇനിയും നഷ്ടപ്പെട്ടിട്ടില്ലെങ്കിൽ പ്രതികരിക്കു.അടുത്ത തലമുറ എങ്കിലും രക്ഷപ്പെടട്ടെ.
ഓരോ കവലകളിലും മത്സരിച്ച് തുടങ്ങുന്ന പുതിയ സ്വകാര്യ ആശുപത്രികൾ ലാഭക്കൊതി മൂത്ത് നമ്മളെ പിഴിയുന്നത്, നമ്മുടെ ആരോഗ്യം നഷ്ടപ്പെടുത്തിക്കൊണ്ട്‌ ആണെന്ന് പലപ്പോഴും നമ്മൾ തിരിച്ചറിയുന്നില്ല.
പേരിന്റെ മുമ്പിൽ രണ്ടക്ഷരം കൂട്ടി ചേർക്കുന്നത് സ്റ്റാറ്റസ് സിംബലും വിവാഹ മാർക്കറ്റിൽ വിലയുമുള്ളപ്പോൾ പലിശക്ക് എടുത്തിട്ട് ആണെങ്കിലും ലക്ഷങ്ങൾ കൊടുത്ത് മെഡിസിനു ചേരുന്ന സ്നോബുകൾ വിരിഞ്ഞ് പുറത്ത് വരുന്നത് ഒരു നാടിന്റെ ആരോഗ്യം നശിപ്പിക്കാൻ ആവരുത്.ഈയിടക്ക് മെഡിക്കൽ എന്ട്രൻസ് പരീക്ഷയുടെ സാമൂഹിക ചോദ്യത്തിൽ A.P.J.അബ്ദുൽ കലാം ആരെന്ന ചോദ്യത്തിന് ബഹുഭൂരിപക്ഷം ഭാവി ഡോക്ടർമാരും തെറ്റി പറഞ്ഞത് ഓർമയിൽ വരുന്നു.പ്രതിബദ്ധത ഇല്ലാത്ത ഒരു വിഭാഗം ഡോക്ടർമാർ സാധാരണക്കാരായ രോഗികളുടെ മേൽ പരീക്ഷണം നടത്തി പഠിത്തത്തിനു ചെലവായ പണം സ്വരൂപിക്കാൻ കാണിക്കുന്ന അത്യാർത്തി തിരിച്ചറിഞ്ഞേ തീരു.ആവശ്യമില്ല്ലാത്ത ടെസ്റ്റുകളും മരുന്നുകളും തന്ന് നമ്മുടെ ശരീരം പ്രതിരോധ ശേഷി നഷ്ടപ്പെട്ട് ചെറിയ അണുബാധകൾ പോലും സ്വയം പ്രതിരോധിക്കാൻ കഴിയാത്ത അവസ്ഥയിലേക്ക് നമ്മളെ ഇവർ എത്തിക്കും.ലാബുകളിൽ നിന്നും ഇവർക്ക് കിട്ടുന്ന കമ്മിഷൻ പരസ്യമായ ഒരു രഹസ്യമാണല്ലോ.
ഇതൊക്കെ സഹിക്കാം പക്ഷെ ആവശ്യത്തിന് അറിവ് കൂടി ഇല്ലെങ്കിൽ എന്ത് ചെയ്യും.ചിക്കൻ ഗുനിയ പടർന്നു പിടിക്കുന്ന സമയത്ത് ഒരു ബന്ധുവിനെയും കൊണ്ട് ആശുപത്രിയിൽ പോയപ്പോൾ ഒരു റിട്ടയേർഡ്‌ ഡോക്ടർ പറഞ്ഞത് ചിക്കൻ അമിതമായി കഴിക്കരുത് എന്ന് പറഞ്ഞാൽ ആളുകൾ കേൾക്കില്ല എന്നാണ്.കൊതുക് മൂലമല്ലേ ഡോക്ടർ ചിക്കൻ ഗുനിയ പടരുന്നത് എന്നൊന്നും ചോദിക്കരുത്.കാരണം കഥയിൽ ചോദ്യമില്ല എന്നത് പോലെ ദൈവത്തിന്റെ പ്രതി പുരുഷന്മാരെ ചോദ്യം ചെയ്യാൻ പാടില്ലല്ലോ.മോഹൻലാൽ പ്രകീർത്തിച്ച് എഴുതിയ ഫൈവ് സ്റ്റാർ താരങ്ങളെ ചികിത്സിക്കുന്ന ഫൈവ് സ്റ്റാർ ഡോക്ടർമാരുടെ കാര്യം അല്ല ഈ പറയുന്നത് കേട്ടോ.കുരച്ചും ചുമച്ചും സർക്കാർ ആശുപത്രികളിലും ഗതിയില്ലാതെ സ്വകാര്യ ആശുപത്രികളിലും പോകേണ്ടി വരുന്ന സാധാരണക്കാരെ പിഴിയുന്നവരെ കുറിച്ചാണ്.
പതിന്നാല് വർഷം ആരോഗ്യ രംഗത്ത് ഉള്ള അനുഭവം വെച്ച് വളരെ അപൂർവ്വം ചില ജെനിസുകളെ മാറ്റി നിർത്തിയാൽ ഒറ്റ ഒരെണ്ണം ശരിയല്ല.കോടികൾ വെച്ച് കളിക്കുന്ന അഴിമതിക്കാരെ നമുക്ക് സഹിക്കാം,പറഞ്ഞു പറ്റിച്ച് വോട്ട് വാങ്ങി സ്വന്തം കീശ വീർപ്പിക്കുന്ന നേതാക്കളോട് നമുക്ക് പൊറുക്കാം,ജാതിയും മതവും പറഞ്ഞ് തമ്മിലടിപ്പിക്കുന്ന വർഗീയ വാദികളെ നമുക്ക് അവഗണിക്കാം,എന്തിനും ഏതിനും ഉളുപ്പില്ലാതെ പിച്ചക്കാരെ പോലെ കൈക്കൂലി വാങ്ങുന്ന ഉദ്യോഗസ്ഥരെ നമുക്ക് ഒഴിവാക്കാം.പക്ഷെ രോഗികൾക്ക് സ്വാന്തനം ആകേണ്ട,ഏറ്റവും പരിചരണം ആവശ്യമുള്ള പാവങ്ങളെ പിഴിയുന്ന ഇവറ്റകളോട് പൊറുക്കാൻ സാധിക്കുമോ.പാവങ്ങൾ ദൈവത്തിന് സമമായി കാണുന്ന അവരുടെ വിശ്വാസത്തെ ചൂഷണം ചെയ്യാമോ.ഭീമൻ കമ്പനികളിൽ നിന്ന് അച്ചാരം വാങ്ങി പാവങ്ങളുടെ മേൽ മരുന്ന് പരീക്ഷണം നടത്തി ഒരു തലമുറയുടെ ആരോഗ്യം നശിപ്പിച്ച് എന്നും നിത്യ രോഗികളാക്കി നിങ്ങളുടെ ആശുപത്രികളുടെയും വീടിന്റെയും മുമ്പിലെ ക്യു വലുതാക്കണോ.
പ്രതികരണ ശേഷി ഇനിയും നഷ്ടപ്പെട്ടിട്ടില്ലെങ്കിൽ പ്രതികരിക്കു.അടുത്ത തലമുറ എങ്കിലും രക്ഷപ്പെടട്ടെ.
